هيك إحنا الفلسطينية
عماد الكيلاني
هيك احنا تعلمنا
احنا الفلسطينية
احنا اصحاب القضية
احنا اللي بدنا نحررها
بدنا القيادة تتحمّل الأسيّة
تمشي معانا وتتقبّل الأذيّة
تنحقق النصر والحرّية!
هيك احنا الفلسطينية
نفوسنا بالعالي وأبيّة
ما نخاف الموت ولا الردِّيّة
الموت عنا راحة وخلاص
من أجل نصرة بلادنا الأبديّة
الشهادة مطلبنا للحرّية
إللّي مأخِّر نصرنا الخون وبيّاعين القضية
المأجورين اللّي أجو مع المحتلّ
مالهم نخوة ولا كرامة ولا نفوسهم أبيِّة!
هيك إحنا تعلمنا
إحنا الفلسطينية
ما نخاف الموت
سلاحنا بإيدينا أغلى هدية
نازلين بالساحات لنواجه الأذيِّة
ندفع عنا الاحتلال وننول الحريِّة!
