ويَّا نجْم الليل بنِسْهَر
عبد الله الغلبان
ويَّا نجْم الليل بنِسْهَر
نِحْكِىِ عنَّك يا قَمَر
نِوْصِف الشوق اللى بينا
ونفتِكِر وَقْت السَمَر
وانتا بعينيك الجَميله
بتِشْعِل الرَغبه اللى فينا
نقوم بآخِر عِزْم فينا
ونرْوى نَبْتات الشَجر
آآآآآآآآآآآآآآآآه ومليون ألْف آه
لمَّا بتسَبِّل عينيك
وامَّا تلْقا الضَعْف مِنِّىِ
ف لَحْظَه فَتلَمِّس إيديك
كلّ حتَّه ف جسمى تِعْرَق
زَىّ رَخَّات المَطَر
والْقَىَ نفسى صِرْت مارِد
أقْوَى واحد ف البَشَر
والْقَىَ نفسى سِنْدبادَك
طاف جَميع أرْكان بلادَك
كاسُه ف الرِحْلادِىِ حُبَّك
خَمْرِتُه ف مَصِّة لُعابَك
كلّ هَمُّه وحلْمُه يفْضَل
دَيْدَبان واقِف ببابَك
يمْسَح الخوف عن رُموشَك
يُحْرُسَك لَحْظِة مَنامَك
يمْسَحَك مَسْح اللألئ
لجْل مَ يزيد من جَمالَك
فوق جبينَك يرْمِىِ بوسَه
وفوق خُدودَك يرمى بوسَه
وفوق شَفايفَك أللللللللللللللللف بوسَه
وبوسَه للِّى بالى بالَك
وانتا فاهِم يا قَمَر
