حاله من الحــب
عبد الناصر السمطي
( 1 )
تحــــت جــــــدار الضـــل
سبتي نظــــرتيـــــن
حـركتي صمــت الضـي
والضـمتـيـــــن
جـــوا دايـرة المحتمــــل
والاحتمــال دعــوتـيــن
يخرجــوا لغـاية الضــحى
والدعــــوتـيـــن
.................
عــدى المكـــان
من هنــا
يضـحك سكـــات
يبكى سـوسنــــة
من كام سنـــــة
نبت البحــر ف دمنــا
شمس مايله للغــروب
......................
بـحبـك ...
رغـم اختـلاف الشــوق
بحبك نجمـــة
جــوا القلــوب بتشـوف
كل دمعة عشــق
كل فرحة صـدق
كل قلــب
لعنيكي ملهـــوف
بـحبـك
رغم اختلاف الشــوق
(2 )
تحـت جــــدار الحلــــم
نورتي صـــوت الليـــل
شفت وسط الغمــام المبتدأ
والخبـــر 000رحيــــل
فـوق سنـيــن المـنتهى
بين شــواشي المستحيــل
يخـرج م حضـــورك
صباح المنتظر.. كي.. للتعليل
..........................
زي الخــــريف
عدت سنيــــن الجفا
زي الـدفــا
جــآت سنـيـــن المبـدأ
منين متشـــاور
تلقي الإيدين المتجه
آه.. يا حلـــم
قام من عـزلته
شٌد جمــوح المبتغى
عايزك00000
عايزك
لأخرضحكة في المشوار
وآخــر دمعة في المـلتقى
( 3 )
تـحـت جــــدار الليـــل
شغـلتـي تــوب النهـــــار
الفكــر يــدوب اكتمـل
والحلـم عاشـق الانتظــار
بين شمــوس السنـابل
مكتوف النور والخضـار
حللي ..... رباط التمني
لو.....
بتصبح ساعات للانكسار
........................
من كـام .....
مليـــون سنــة
اتقـبـلنــا
إزاي انتـي و انا
وقــولنـا
كتيـر ف الحب كـلام
وزرعنــا
العشــق ف دمنــا
يا هل ترى ....
الزمان هو اللي جمعنـا
وللا احنـــا
اتخـلقنـا لبعضنــا
************
