وب استقوى
عمرو عفيفي
وب استقوى ب شقاوة حبك الهادى
والملم توتك المبدور
وامهد قلبى يحميكى
وب ابنى ألف سد وسور
وبازرع شوقى لبلابك
عشان يوصلنى ب غيابك
وخفت اعلن تصدينى
ف قررت انى الف وادور
ونمت حلمت بالحرب اللى دايرة هناك
ف ساحة حارة الفرقة
ومش مجنون ولا عاقل
لوان دى برضه مش فارقة
دخلت المعركة ناوى أكون منصور
وشفت عنيكى مبسوطة
وبسمة شفة ممطوطة
كما لو كات بتأمرنى أزيد الأسرى واتوصى
وقلبى المنتشى حاسس ب إنه عنتر القصة
ومش خايف يصيبه غرور
انا اللى لو خسر حربك
عشان حبك
أكون معذور
