الأوجاع
عماد الكيلاني
يا مصاحب البشر هالأيام
اصحى وبكفيك اوهام
إنسَ الناس معظمها بياع كلام
بِخلّوك تبني قصور بالاحلام
والصبر يا صاحبي مفتاح الفرج...
والصبر اول خطوة تتطلع الدرج
مهما تغير الزمان واتعرّج
بكره احلى من اليوم وبيجي الفرج!
حذارِ يا صاحبي تنسى الغدر
الغدر طبع وعادي بهالزمان والعصر
والناس صعب الوفا والدفا بالغدر
صعب تلاقي حدا يوفي بلا ثمن او أجر
مستحيل تميّز ومستحيل ينتهي الغدر...
البشر اجناس والناس ما يكفيهم العمر!
شو ظلّ في العمر غير القهر ؟
كل شيء بنتهي بخسارة للدهر
الدم للركب ماشي فيض زي النهر
والذبح باسم الدين قطع و جَزِرْ
ليش صرنا بالارهاب واحنا النا الفخر...
ظلام الليل باقي حتى بطلوع الفجر !
دعيتك ربي يا رب الكون تخلِّصنا
من شرور الدنيا تنتهي وتريِّحنا
بكفّي احنا من كل الاذى إتْعِبنـا
متى يا رب على الاٍرهاب تنصرنا؟
شو ظل في العمر اذا ضاع الإحساس
وانتشر بين الناس الشك والوسواس !
واذا الأخلاق صارت من دنيء ودساس
والكرامة والشهامة صارت من الانجاس
إِيش يبقى للعمر للعيش مرفوع الراس ؟
والله ما في حدا قرفان قدي
ولا حتى اللي ساكن بحدّي
كل المعيشه صارت شؤم وتحدي
والدرب اللي يجيب الهم ما يودّي
والله ما ظل بالعيشة حتى تهدّي ...
وبنرجع وبنقول يا ايام حلّي وانهدّي
يا دنيا ريّحيني وابعدي عني إبعدي !
لما العين تسأل عن الدمع ليش راح
والقلب غرقان بالدم من كثر الجراح
والروح صابها ملل من قلة الافراح
شو ظل للإنسان يتحمل مزيد قُراح ؟
ولمّا اللسان يعجز عن الحكي ويسكت
ولا حتى حروف الطبيعة صارت تصمت
والفم مسكّر من طول الدهشة تِمقِت
شو ظل معنى الحكي حتى الحكي ينبِتْ
له بقلبي محبة واحترام
شوقٌ يفوق الكلام
لهفة كلما تذكَّر حتى بالمنام
له التقدير والاخلاص
سمو الحب مع رقي الإحساس...
هذا صديقي اسمعوني يا ناس!
ما عاد في جسمي مكان للألم
كل شبر فيه جرح غائر قد علّم
كل أنحاء جسمي للموت سلَّم !
ما ظل فيّ مساحة لــم تتألم !
أطلّ وعدي فحسبته اجلي فبكيتُ
تقلّبات نفسي فجأة كأنني خِفْتُ
تعددت أسباب الخوف واضطربتُ
حسبته اول الخطو اليه فهو موتُ
تقلّبت روحي وأحزنني ما احتويتُ...
أظلّ فيّ بعض تحمُّلٍ إني اكتفيتُ!
جرّبت كل الناس وما وجدت حافظ عهد
قليل بها الأيام من يملك الكلمة والوعـد!
يمكن كثيرين بالحكي موجودين بالعدد
لكن كثرتهم في الدنيا ما هُم لي سنــد!
على إِيش المال سالب الناس عقل وشرف
اذا المال للعيش مش للتباهي كثرته تـرف
واذا زادَ او قل الانسان بالاخلاق بنعرف
عمر المال ما أعطى كرامة؛ المال منصرف
لا حد يخلي حالو للناس دايماً مكشوف
بخسر حتى لو ورجوه تضامن مأسوف !
خلّي سرك لحالك وتكشف لنفسك وشوف
غابت شمس الحق وانت بتنادي بالحق
انا مش عارف شو اقول روح عندو إلحَق
من قال ان الاجتماع سيفضي للتوحد
وان اللقاء سوف يناقش أشياء كثيرة
قد ترتقي في نهاية الامر للتجدد
اخالفه الرأي قد يفضي اللقاء الى مزيد
من الفرقة والتباعد والتمدد !
جسمي من المرض يا ناس والله نَحَلْ
إنهدّيت وما حدا جبْلي دوا او حتى سأل
صَلَّيْت لربي ادعو لعلّو يوم الفرج وصل
حتى طرقت باب الخسيس للمال والنِّذِل
ما ظل بجسمي مكان من وجع ولا أمَلْ!
فجأة طِلِعلي بالسحبة بِدّو يزورني بعد طول غياب
استغربت وتساءلت وتعجبت شو صار شو الأسباب!
ولمّا وصِل ما حكى اي كلمة الا مرحبا وكثّر العِتاب !
