صاحبى كارِه طين بلادُه
ونِفْسُه يرْحَل منها .... ليييييييييييه ؟؟
لجل حَسّ بإنّ حَقُّه
لغيرُه رايح مُش لاقيه
فين وظيفتُه .... ؟؟
فين كرامتُه .... ؟؟
حَقُّه فى توْصيل رِسالتُه
لغيرُه حتَّى بكلمتين
مُش مُتاح لجْل انّ حاكمُه
قصادُه ناس مِتْنَقَّبين
كانوا يوم حاكمين بلادنا
وطلعوا شِلِّه مغَفَّلين
قام مدَحْلِبهُم وهُبّ
الكلّ شرَّف ف السُجون
وامْتَلَك هُوَّا العَصايَه
وغاب يشَطْوَح ف الجَميع
من غَرايمُه وغير غَرايمُه
ب حِجِّة انّ الكُل شين
طَب ياعَمّ اسْأل وحَقَّق
قال بِدال ال(لأ) لأين
والنهاردَه الكلّ حاطِط
جِوَّا بُقُّه جَزْمِتين
يرْفعوا الأسْعار ومالُه
يظْلِموا الفَلاح ومالُه
يهَجَّروا السُكَّان ومالُه
فين يازين ما يمِيِل نِمِيل
طَبْ وثوْرِتنا ف يناير
كات مُؤامرَه لحَدّ فين
شوف خَدِتنا ... ؟؟ ولادنا ماتوا
يموتوا دى الأعْمار يا بِيِه
بُصّ مِ الآخَر هاقول لَك
قول آمين تِتْشال فِ عين
وانْ ما قُلْتِش تِبَّا قَطْعَاً
كَلْب إرْهابِىِ و لَعِيِن
صاحبى شاف الحال كذلِك
قال نَجاتِىِ من المَهالِك
ف انّ اسيب طِينها واسافِر
