كِلْمَه ب قَلَم
عبد الله الغلبان
كِلْمَه ب قَلَم .......
تِقْدَر تغَيَّر فِ الأُمَم
وتحُطّ من شأن اللى كان
شَخْصِيَّه بينَّا ومُحْتَرَم
ساعِة مَ يُصْدُر لُه القَرار
بالاعْتِقال من ناس رِمَم
جاروا على حقوق البَشَر
ب خداع بَسيط اسْمُه العَلَم
ولكل دَوْلَه اليوم عَلَم
بيدافعوا عَنُّه ب دَمُّهُم
ويحَدِّدوا بيه أرْضُهُم
ناسيين بإنّ الأرْض دِى
كانِت فِ يوم مالهاش عَلَم
يرْسِم حُدودها وكُلِّنا
رايتنا واحدَه ... وبالقَسَم
بالله بتُدْخُل فِ الحُدود
ساعِة مَ بالدين تلْتَزَم
ماكانشِ فيه سوريا وعِراق
أو مصر أو أرْض الحَرَم
كلّ البِلاد كانِت تدِيِن
مُش للرَئيس المُنْتَخَب
من ناس ماتِعْرَف أىّ شيئ
الا انّ تُسْجُد للصَنَم
وتحُطّ قانون الصَنَم
فوق آية الفَرْد الصَمَد
يال العَجَب
يال العَجَب
أصْبَحنا ناس جِوَّا الحُدود
واخواتنا فين ؟؟ بَرَّا الحُدود
لينا عَلَم غير العَلَم
لينا قانون غير القانون
ونشوف خِواتنا بتِنْطَحن
ويموتوا واحنا نقول يهُون
دَمّ الخِوات والدين كَمان
والأقْصَى لجْل نصُون حُدود
وحدودنا دى حاطِّينها مين ؟؟
واحد ماهُوَّاش مِ الجُدود
مُحْتَلّ كانت جَلْدِتُه
بتِرْسِم على جلود الجُدود
شيئ إسْمُه ((((بين اخوْات حُدُود)))
