مــش هـارجع لك
...(همسات استثنائيه)...
مش هارجع لك...
لو كل الحنان في الكون
لو آخر راجل هتكون
مش هارجع لك
لو تجيني وتترجاني
مش هارجع لك
ياما كسرت قلوب
ياما هدمت قصور
مش هارجع لك
ياما اتحمل قلبى عشانك
يا ما سبحت كتير ف جنانك
مش هارجع لك
كنت جريت ورا فرحة قلبى
كنت حلمت بانك حبى
لكن قربى ضاع ف اديك
ياللى زرعت الشوك ف عنيك
مش ها رجع لك
أنت خلاص الفرحة عمتها
انت الدنيا نهيت بهجتها
ابعدعنى
مش هارجع لك
كان فين شوقك
كان فين ذوقك
لما هجيتنى
ولما سقيتنى
دموع فوق خدى
مش هارجع لك
هيه القسوة كمان من طبعك
اوعى تصدق انى هاطاوعك
وحياة قلبى
مش هارجع لك
ولا هاتبع لك
قلبى اتعلم انه يفارقك
اوعى تصدق انه ف برقك
راح ها يخاف
اوعى تصدق انه ما شاف
ف الدنيا دى غيرك
وان مصيرى
يبقى مصيرك
مش هار جع لك
انا لو هابكى
هابكى عليه
ان ف يوم
حسيتك ليه
لكن..
شفت خيانتك زى الصبح
بضحكة زير
هو القبح
ف يوم يتحول
يبقى زهور
مش هار جع لك
متحملتش تبقى جميل
متحملتش تبقى كثير
عارف ليه
لأنك عيل
وان الحب ف ايدك لعبة
متقدرش قلوب الناس
وما متعرفش الشوق كم يكوى
وانت أساس
الغدر طريقك
مش هارجع لك
انت فاكرنى بقيت شايفاك
أو حتى باحب كمان رؤياك
انت بتحلم
انا خلصت القلب خلاص
سيبك منى
ودور تانى ف وسط دفاترك
عن إخلاص
ضيعته كتير
من سوء أخلاقك
كنت دفنته فى وسط البير
مش هار جع لك
مش هار جع لك
