عمرو عفيفي
عارفة باضحك ليه؟
عشان بس افتكرتك
والزمن وقفنى عند عيونك انتى
واما قال الناس بتضحك ليه لواحدك
قلت وحدى ازاى..انا معايا حبيبتى
قالوا فينها
قلت شوفوا الشمس ح تشوفوم عيونها
واسهروا استنوا القمر لحظة مايضحك
هى كات بتعلمه يفرح ويضحك
هى كات بتعلمه يلم النجوم ويحبها
هى لما حبته.وهبتله حتة ف قلبها
ومن ساعتها كلكم بتموتوا ف عيون القمر
حبيبتى مش زى القمر
بس القمر واخد كتير قوى منها
