عصام عبد الله
شفايف الليل
************************
علي شفايف الليل
بكتب حروف اسمك
شُفت القمر في عنيك
ورموشي علي خدك
سِهر الكلام يحكي الغرام
وحنين علي شفايفك
علي شفايف الليل
بهمس حروف إسمك
سهران يا ليل حبنا
والحُزن لون شعرك
ودك تشوف فرحنا
من تاني في ملامحك
تتغني وبــ ..أسمنا
همسات علي شفايفك
علي شفايف الليل
بكتب حُروف اسمك
كان النسيم زينا
يُحضن ندي عبيرُه
يحسِدنا علي حبنا
لو شفنا مِن غيرُه
من يوم ما غاب ضيك
دبل النسيم في هواه
و شَاب شباب حِلمنا
ودبلت انا وياه
علي شفايف الليل
بـكتب حروف إسمك
ياريت تروح عندها
وتشوف حروف إسمها
لحبيبتي وتقولها
بكتب حروف اسمك
علي شفايف الليل
*******************
من ديوان: ليالي الحب
