الرئيسية » » حتَّى التعليق شِلْتُوه !!!!! | عبد الله الغلبان

حتَّى التعليق شِلْتُوه !!!!! | عبد الله الغلبان

Written By Unknown on السبت، 22 نوفمبر 2014 | 9:36 ص


حتَّى التعليق شِلْتُوه !!!!!
عبد الله الغلبان

حتَّى التعليق شِلْتُوه !!!!!
طَبْ نِشْكِىِ الظُلْم لمين ؟؟
وازَّاى هانقول للكاتِب
بانّ المَكتوب دا مَعِيِب ؟؟
هُوَّا احنا ياناس بنطَجِّن
وللا على الفيس قاعدين
بنجامِل كلّ هَتِير
ونسَمِّى الضَحْل أديب ؟؟
يا سيادة الأدمِن باشا
يا مَعالى الأدْمِن بيه
وحياتَك سيبنا نعَلَّق
ونقول للناس عاوزين
مُش أىّ كلام ف الفاضِى
نِهْتِف له اسْم الله عليه
وَضَّح للكاتِب عيبُه
وخَلِّيه يتحَسِّن فِيه
دا الفيس دلوقتِ مَنارَه
وجُرْنال .... بتراقِب ليه ؟؟
وبتِحْذِف على كيف كيفَك
مَنْشور أو تَعْليق فِيِه 
لو فاتِح يوم مَجْموعتَك
للغير تِتْحَكِّم فِيِه
عَرَّفنا نسيبها ونِرْحَل
ونعاشِر ناس تانيين
يحْتِرموا الكِلْمَه الصادقَه
والنََقْد الصانِع جِيِل
يتْحَمِّل يرْفَع رايَه
مُش جيل لامؤاخذَه هَزِيل


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.