الرئيسية » » مُش هانافِق حَدّ | عبد الله الغلبان

مُش هانافِق حَدّ | عبد الله الغلبان

Written By Unknown on السبت، 29 نوفمبر 2014 | 12:12 م


مُش هانافِق حَدّ
عبد الله الغلبان


مُش هانافِق حَدّ واكْتِب تَعليقات
وامْلا فيسى بتافِه الألْفاظ واقُوُل
للى كاتِب شِعْر من غير حِسّ فيه
وللا فِكْرَه تدُقّ فِ الرُوُس الطُبُول
انُّه أبْدَع .... أبْدَع ايه ؟؟
دا انتا شِعْرَك شِعْر تافِه والأُصول
لَك تِرُوُح تُقْعُد ف بيتَك
أو تِبِيِع عَ الناصيَه فُوُل
لأ ... وقال باعِت لِى يُطْلُب
مِنِّى اعَلَّق للجَميع
وبسلامتُه يقول لى عَلَّق
دِى الأُمُور دى سَلَف ودِيِن
دِيِن دا إيه اللى يخَلِّى
لسانِىِ يمْدَح شِعْر شِيِن ؟؟
دِيِن دا إيه اللى يخَلِّىِ
القُبْح بالنِسبالِىِ زِيِن ؟؟
دِيِن دا إيه مَلْعون أبو دا
اللى يذِلّ لسان رَزِين
قُلْنا نِكْتِب شِعْر راقِىِ
يعَلِّم الإنْسان فِ فيس
مُعْظَمُه شوَيِّه حَريم
أو شَباب مِتْفَرْنَجين
قُلْنا نِكْتِب فِكْر يمْكِن
نِلْقا حَبِّة مُعْجَبين
يقْروا وفْ أخْرِتنا نِلْقا
الشِعْر صابنا بدَعْوِتين
بَسّ يا خسارَه لَقينا
الفيس دا حانِة لكُلّ إيد
ماسكَه ريشَه ف بين صُوُباعها
تدِشّ شيئ لا مَعْنَىَ لِيِه
والأكادَه تلاقِىِ تحت
النَصّ قال إيه مُعْجَبين
عاجبِك ايه فِ النَصّ ياختى ؟؟
وإيه أضاف النص ليك ؟؟
كُلُّه ضِحْك على الذُقون
يسْرَق الوَقْت ومافيش
مِنُّه فايدَه لأىّ حَدّ
الا الجَماعَه المُغْرَمين


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.