عصام عبد الله
نفسي
نفسي اصلي الفجر عندِك
ودق قلبك يكون آدان
نفسي اقول للكون بحِبك
نفسي حبي في عنيك يبان
ولما ارسم ع الشفايف
ورده يسقيها الغرام
رغم بُعدك قلبي شايف
ما بين رموشك أجمل كلام
نفسي شوقي يكون وصِلك
... وفــ عِنيك المح غرام
نفسي ابوس الليل واقولك
انتي عمري ضي الزمان
نفسي أقول للكون بحبك
ما انتي نبع من الحنان
بس لما الحلم يصحي
ع الوداد في القلب يجرح
كل فرح العُمر إسود
لما جرحي ينزف ألآم
كل دمعة تُشرخ وتوئِد
أي أحساس با الأمان
والهوي غدار ... ولكن
ليه مضينا فــ بكره ساكن
قبل ما ييجي النهار
نحضن الخوف جوه شوقنا
غنوة شروقنا شمعه تبكي
نور ونار......
واللي كان ديماً في نفسي
أني أصلي الفجر عندك
نفسي اصلي الفجر عندك
ودق قلبك يكون آدان
**********************
من ديوان/ ليالي الحب
