الرئيسية » عمر الصاوي » بنتي | عمر الصاوي

بنتي | عمر الصاوي

Written By Unknown on الجمعة، 1 مايو 2015 | 4:56 ص

عمر الصاوي

بنتي

.

بنتي غزاله صُغَيره

ضحكتها فيها كركره

وكركديه

.

لابسه مايوه ومشمّره

بتدلّع الموج..

وتداديه

(ياسلام علي الإلهام)

.

فِهْمتني..

جِرْيت قوام

لمت كل الحروف

في الجردل والجاروف

علشان ما القاش كلام

.

وراح عليا الشعر

راحت فنون السحر

.

وهي راجعه

في جيبها وَدَعه

سارقه صوت البحر

.

(من ديوان سلالم للسما 1999)

التعليقات

0 التعليقات

0 التعليقات:

إرسال تعليق