( الجده خضره )
يا ستنا العجوز
يام الرداء لسمر
وضهر محنى انهرم
زى صباع الموز
ياأم بقره ومِعزه
وحلتين مع كوز
وبيت قديم من زمن
لكن لُه معنى وعوُز
لامم عيلات أربعه
وضيوف بتيجى رموز
عيشتى حياتك حِكم
ويا رغيف السن
وجبنه كلها الدود
ويا الزمان فى الخُن
راضيه بهم الزمن
ولاعُمره ليك ِحن
ياستى ياخضره
يام الكلام الجد
كنتِ البصل والعسل
والجزر بعد المد
ربيتى كل الولاد ع الصبر والحكمه
والكد ويا العناد واللُقمه تيجى إزاى
بتصحى نور الفجر لما بتصحيلُه
وف إيدك السِبحات ساعه تِعِديلُه
ياقلبنا الاخضر ياخضره ياعفيّه
نبراس فى بيت إتولدفيه أحلى حِنيه
وكُنا ليكِ المدد جُوانا روح الاهل
وأخدنا مِنك كمان الحُب ويا العقل
عِشتى ..ومتى الامل وِمُتنا من بعدك
لما طر يقنا انفصل عن اصلنا بعدك
رُوحنا وراح مِننا كُل الزمان الجد
